Main Kanch Ki Guriya Hon

Main kanch KI Guriya Hon
Sheeshy Ka Hai Dil Mera
Is Nazuk Abgeeny May
Bas Tera hi Bsaira hai
Meri Socho'n Per Bhi har pal
Bas Tera Hi Pehra Hai

Main Kanch Ki Guriya Hon
Mom Sy hain Mery sappny
Mery Hi Ashkon Sy
Kabhi Jalty hoye Kabhi Bhujty Hoye Mery Roz-0-Shab Saary Hi
Tery hijjar Ki Aag main Jhulsy Hoye

Main Kanch ki Guriya hon
Tooteti Hoi Aur Bikharti Hoi
Apni Kirchiyan Phir main
Apny hatho'n Sy chunti Hoi
Khud hi ulajhti hoi Khud hi sambhlti hoi
Tery Peyar ki Aatish may jalti hoye ,bhujti Hoye

Main Kanch Ki Guriya Hon
Teri Muhabbat Sy zinda hon
Teri Nafrat Sy mar jati hon MainTery Lafzon ,Tery Lehjy,Teri Baton
Teri Dheemi Dheemi sarghoshion Sy
Tery Sehar main Uter Jati Hon Main Phir Aur Nikhar jati Hon Main

Main Kanch Ki Guriya Hon
Sheeshy Ka Hai dil Mera
Is Nazuk Abgeeny Main
Bas Tera hi Bsaira Hai
Main Kanch ki guriya hon
Main Kanch ki guriya Hon

Barsaat

Ik Raat Hui Barsat Bohat

Main Royi Sari Raat Bohat

Her Ghum tha Zamany ka lekin

May Tanha thi Us Raat Bohat

Phir Ankh se ik "SAWAN" Barsa

Jab Seher Hui to Khiyal Aya

Wo Badal Kitna Tanha Tha

Jo Barsa Sari Raat Bohat

Phir???

Ye dard mit gaya to phir?
Ye zakhm sil gaya to phir…?
Bichhar kar sochta hoon main,
Wo phir se mil gaya to phir…?
Main titliyon k shehar mein,
Rahoon to mujh ko fiker hai…
Wo phool jo khila nahi,
Wo phool khil gaya to phir…?

Tujhe bhi kuch nahi mila,
Mujhe bhi kuch nahi mila…
Tamam umer k liye,
Ye dard mil gaya to phir…?

Main is liye to aaj tak,
Sawal bhi na kar sake…
Agar mere sawal ka,
Jawab mil gaya to phir…?

Phir Azaab Koi

piyaass ki kaise laaye taab koi
nahin Daryaa to ho Saraab koi

Raat bajti thi door shahnaaie
Royaa pee kar bhout Sharaab Koi

Konsa zakham kiss ne bakhsha hai
Rakhay kaise iss ka hisaab koi

Main phir sun'ne laga hoon iss dill ki
Aane waala hai phir azaab koi

Acha Nahi Lagta

Kisi se Baat karna , Bolna acha nahi lagta
Tujhe Dekha hai jab se , Doosra acha nahi lagta

Teri ankhon main jab se maine apna aks Dekha Hai
mere chahre ko koi aina acha nahi lagta…

Tere Baare main Din Bhar sochti Rehti Hoon main lekin
Tere Baare main sab se Poochna acha nahi lagta

Yahan Mohabbat karne wale Barbaad Rehte hain…
yeh Darya Hai issey kacha Gharra acha nahi lagta

MAIN ab chahat ki us Manzil per aan Punhchi Hoon,
Teri Jaanib kisi ka Dekhna acha nahi lagta…

Main Tum Ko Bhool Jaon Ga …!!!

Mujhey Iss Zindgani Say Koi Shikwa Nahin Lekin,
Zara Si Be-sukooni Hai,
Na Jaaney Kyun Mairey Dil Mein,
Ajab Ikk Khof Rehta Hai,
Mujhey Mehsoos Hota Hai,
Ke Mairey Dil Ke Darwazey Pay,
Teri Yaad Ki Dastak Mein Woh Shidat Nahin Baaqi,
Bohat Si Khaas Baatein Hain,
Jo Mujh Ko Aam Lagti Hain,
Mairey Dil Mein Unhein Sun Kar Koi Toofan Nahin Utthta,
Teri Aankhein, Tera Chehra,
Teri Aawaaz Ki Rimjhim,
Sabhi Kuch Khuwab Lagta Hai,
Mujhay Mehsoos Hota Hai,
Sunehri Titliyon Jaisey,
Woh Sab Khush Rung Say Sapney,
Mairey Lafzon Ke Phoolon Par,
Bohat Din Say Nahin Baitthey,
Mujhey Mehsoos Hota Hai,
Samay Ki Taiz Lehron Ne,
Himarey Rait Ke Kachey Gharondey Torr Daley Hain,
Mujhey Unn Taiz Lehron Say,
Sunehrii Titliyon Jaisey,
Sabhi Khush Rang Sapnon Say,
Koi Shikwa Nahin Lekin,
Zara Si Be-sukooni Hai,
Mujhey Mehsoos Hota Hai,
Tumharey Dil Ke Darwazey Pay Mairi Yaad Ki Dastak,
Mairi Jaan Abb Nahin Hoti,
Mairi Jaan Abb Nahin Hota,
Ke Mairi Yaad Aaye To,
Tumhari Aankh Bhar Aaye,
Duayein Maangtey Lamhey,
Mujhey Tum Bhool Jaati Ho,
Magar Phir Bhi Mujhey Tum Say,
Koi Shikwa Nahin Lekin,
Ajab Si Be-sukooni Hai,
Ajab Ikk Khof Hai Dil Mein,
Main Tum Ko Bhool Jaon Ga …!!!

Muqaddar

Aik Larki

Alwidaya

Faiz Sahab ki Ghazal

Muhabbatain Jab Shumaar Karna

Agar kbhi meri yad aye

Agar kbhi meri yad aye
Agar kbhi meri yad aye
To chand raton ki narm dilgir roshni men
kisi sitarey ko dekh lena
agar wo nakhl falak se ur kar tmharey qadmon men aa girey
to jan lena
wo istiara hai meray dil ka
agar na aye....
magar ye mumkin hi kistarha hai
k tm kisi pay nigah dalo
to us ki dewar-e-jan na tutay
wo apni hasti na bhul jaye
agar kbhi meri yad aya
gurez krti hawa kilehron pay hath rakhna
men khushbuon men tmhen milungi
mjhe gulabon ki patiyon men talash krna
men os qatron k aienon men tmhen milungi
agr sitaron men os qatron men khushbuon men
na pao mjh ko
to apne qadmon men dekh lena
men gard hoti musafaton men tmhe milungi
khin pay roshan charagh dekho
to jan lena k
hr patage k sath men bhi bikhar chuki hun
tm apne hathon se in patangon ki rakh darya men dal dena
men khak ban kr samndron men safar kron gi
kisi na dekhe huey jazirey pa ruk kr
tmko sadaien dungi
samndron k safar pa niklo
to is jaziray par bhi utarna!!!!!

Main ab sonay se darta hoon

Kaha tha na
Kaha tha na
Mujhe tum is tarha sotey huye mat chor kar jana
Mujhe beshak jaga dena
Bata dena
Mohabbat ke safar mein saath mere chal nahin sakti
Judayee ke safar mein mere saath chal nahin sakti
Tumhein rasta badalna hai
Meri had say nikalna hai
Tumhein kis baat ka darr tha ?
Tumhein janay nahin deta ?
Kahein per qaid kar leta ?

Aray Pagli

Mohabbat ki tabyat mein zabardasti nahin hoti
Jisay rasta badalna ho usay rasta badalney se
Jisay had se nikalna ho usay had se nikalney se
Na koi rok paya hai
Na koi rok paye ga

Tumhein kis baat ka darr tha
Mujhe beshak jaga detein
Main tum ko dekh hi leta
Tumhein koi duaa deta
Kam-az-kam yuun to na hota
Mere saath haqeeqat hai

Tumaray baad khonay ke liye aab kuch nahi baaqi
Magar khonay se darta hoon
Main ab sonay se darta hoon

Abhi Tu Raat Baqi Hai, Ye Dhal Jay Tu So Jana

Abhi Tu Raat Baqi Hai, Ye Dhal Jay Tu So Jana,
Ghari Bhar Ko Dil-e-Nadan Sambhal Jay Tu So Jana.
Ye Neend Me Dobi Hoi Ankhain Mujhe Sunay Nahi Dayti,
Tumhari Adh Khuli Ankhain
Zara Tehro Mujhe Bhi Neend Ajay Tu So Jana.
Haseen Ho Tum,
Tumhain Kia Ghum,
Tumhain Tu Neend Pyari Hai,
Humara Haal Mat Pocho K Hum Per Raat Bhari hai,
Qayamat Hai Ye Tal Jay Tu So Jana.
Abhi Tu Raat Baqi Hai, Ye Dhal Jay Tu So Jana.

Hijr K Mousam Me Ye Barish Ka Barasna Kesa!

Hijr K Mousam Me Ye Barish Ka Barasna Kesa!
Aik Sehra Se Samandar Ka Guzarna Kesa.

Ay Meray Dil Na Preshan Ho Tanha Ho Ker,
Wo Teray Sath Chala Kab Tha, Bicharna Kesa.

Log Kehtay Hain Gulshan ki Tabahi Dekho,
Main To Veeran Sa Jangal Tha Ujarna Kesa.

Dekhnay Main To Koi Dard Nahi, Dhuk Bhi Nahi,
Phir Ye Ankhon Main Ashkon Ka Ubharna Kesa.

Bewafa Kehnay Ki Jur'at Bhi Na Kerna Us Ko,
Us Ne Iqrar Kia Kab Tha Mukarna Kesa.

Taseer Juda Si Humain Wirsay Main Mili Hai,

Hum Dasht K Basi, Humain Wirsay Main Mili Hai,
Ye Rooh Piyasi, Humain Wirsay Main Mili Hai.

Dukh Dard Se Sadiyun Ka Ta'alluq Hai Humera,
Ankhon Ki Udasi, Humain Wirsay Main Mili Hai,

Jaan Dey-na Riwayat Hai Qabilay Ki Humeray,
Ye Surkh Labaasi, Humain Wirsay Main Mili Hai,

Jo Baat Bhi Kehtay Hain Utar Jati Hai Dil Main,
Taseer Juda Si Humain Wirsay Main Mili Hai,

Jo Hath bhi Thaama Hai SADA Sath Raha Hai,
Ahbaab Shanashi Humain Wirsay Main Mili Hai,

MOHABBAT Ki Kashti Kinar Hojay

Agar Usay Meri Ghazlon Se Pyar Hojay,
Meray bhi Dil Main Khushi Ki Bahar HoJay.

Humeray Dil Ki Bhi Qeemat Nahi Mili,
Bura Nahi Jo Unsay Udhar Hojay.

Humeri Yaad Jo Aay Kabhi Unhay DIL,
Haya Se Un Ki Nazar Ka Singar Hojay.

Humain Tu Un Ka Tassawur Hai Raat Din Likin,
DUA Hai Un Pe Bhi Ye Ghum Sawar Hojay.

Agar Woh Meri Sadaqat Ko Maan Lay Dost,
MOHABBAT Ki Kashti Kinar Hojay.

Khud Ko Ganwana Chahta Houn

Ajab Larka Houn Main Khud Ko Ganwana Chahta Houn,
K Apnay Ap Se Peecha Churana Chahta Houn...

Na Janay Kia Ta'alluq Hai Mera Ranj-o-Alam Se,
Koi Bhi Dard Ho Dil Main Basana Chahta houn...

Kai Bhoolay Hoye Chahray Yaad Aarahay Hain,
Zara Se Dair Ko Ansu Bahana Chahta Houn...

Najanay Kyun Mujhe Pathar Samajhti Hai Duniya,
Main Kia Houn Koun Houn Un Ko Batana Chahta Houn...

Sitam Jo Bhi Zamanay Ne Kiye Hain Mujh Per,
Humesha K Liye Bhool Jana Chahta Houn...

Hai Ikhtiyaar Main Tare To Yeh Mo'ojza Ker De,
Wo Shakhs Mayra Nahin Ussay Mayra Ker De.

Yeh Raiguzaar Kaheen Khatam Nahin Hota,
Zara Si Door To Rasta Hara Bhara Ker De.

Main Us Ke Zoor Ko Daikhoon Woh Mayra Sabr-o-Sakoon,
Mujhe Chiraagh Bana De Usay Hawaa Ker De.

Akaili Shaam Bohat He Udaas Kerti Hai,
Kissi Ko Bhaij Koi Mayra Hamnwaa Ker De.

Rihai Na Dia Ker.....

Mohabbaton Ka Pata Chalay Ga....