Hum Dasht K Basi, Humain Wirsay Main Mili Hai,
Ye Rooh Piyasi, Humain Wirsay Main Mili Hai.
Dukh Dard Se Sadiyun Ka Ta'alluq Hai Humera,
Ankhon Ki Udasi, Humain Wirsay Main Mili Hai,
Jaan Dey-na Riwayat Hai Qabilay Ki Humeray,
Ye Surkh Labaasi, Humain Wirsay Main Mili Hai,
Jo Baat Bhi Kehtay Hain Utar Jati Hai Dil Main,
Taseer Juda Si Humain Wirsay Main Mili Hai,
Jo Hath bhi Thaama Hai SADA Sath Raha Hai,
Ahbaab Shanashi Humain Wirsay Main Mili Hai,
Subscribe to:
Post Comments (Atom)
No comments:
Post a Comment